‘ముద్రగడ’ దంపతులకు వైద్యపరీక్షలు
కాపులను బీసీల్లో చేర్చాలంటూ ఈరోజు ఉదయం ఆమరణ దీక్ష ప్రారంభించిన ముద్రగడ పద్మనాభం దంపతులకు ప్రభుత్వవైద్యులు పరీక్షలు నిర్వహించారు. బీపీ, షుగర్ లెవెల్స్ సాధారణ స్థాయిలోనే ఉన్నాయని చెప్పిన వైద్యులు ఇందుకు సంబంధించిన వివరాలను తెలిపారు. ముద్రగడ బరువు - 84 కిలోలు, బీపీ-160/110, షుగర్-178 కాగా, ఆయన భార్య పద్మావతి బీపీ-180/110, బ్లడ్ షుగర్-121 ఉందని వైద్యులు పేర్కొన్నారు. కాగా, తూర్పుగోదావరి జిల్లా కిర్లంపూడిలో ముద్రగడ దంపతుల ఆమరణ నిరాహార దీక్షకు కాపు నేతలు, కులస్తులు తమ మద్దతు తెలుపుతున్నారు. తనకు మద్దతు తెలిపేందుకని ఇక్కడికి ఎవరూ రావద్దని ముద్రగడ విజ్ఞప్తి చేసిన విషయం తెలిసిందే.
